eventos
Xestión do risco durante o embarazo e a lactación
Neste primeiro webinar, que forma parte da programación formativa do ISSGA para o ano 2022 e realizado en colaboración con Ibermutua, analizaremos o marco normativo que o regula, o procedemento que se debe seguir na súa tramitación así como os riscos laborais e clínicos e os diferentes axentes que interveñen: físicos, ergonómicos, químicos, biolóxicos e psicosociais. Para rematar haberá unha mesa redonda na que os axentes sociais nos darán a súa visión dende un punto de técnico deste tema.
Mindfulness para a redución do estrés no traballo
Webinar realizado en colaboración con Fremap que ten como obxectivo informar como a través da práctica do Mindfulness e a súa integración non traballo podemos incrementar o benestar laboral.
Prevención da violencia laboral
Webinar realizado en colaboración con Ibermutua Gallega que ten como obxectivo sensibilizar na necesidade de abordar a violencia no traballo nas empresas e proporcionar algunhas ferramentas básicas para achegar unha aproximación integral á prevención das situacións de violencia que se producen nas organizacións, como son os protocolos-tipo.
Innovación para introducir boas prácticas para a prevención de trastornos musculoesqueléticos no traballo. “Sistema MOCAP (Motion Capture). Exoesqueleto”
Este webinar, realizado en colaboración con Asepeyo e que forma parte de las actividades programadas polo ISSGA con motivo da “Semana Europea para a Seguridade e a Saúde no Traballo”, ten por obxectivo sensibilizar e informar sobre un tema innovador e de actualidade, os exoesqueletos, que facilitan asistencia física ás persoas durante o desenvolvemento de determinadas tarefas e contribúen á redución de lesións.
Escola de costas
Webinar realizado en colaboración con McMutual, que forma parte das actividades programadas polo ISSGA con motivo da “Semana Europea para a Seguridade e a Saúde no Traballo”, que persegue destacar a importancia da prevención dos trastornos musculoesqueléticos de orixe laboral que afectan a 3 de cada 5 persoas traballadoras e realizar unha sesión da escola de costas enfocada ao teletraballo.
Muller e saúde laboral: diversidade, equidade e igualdade
Webinar realizado en colaboración con Fraternidad-Muprespa, no que se exporán o modelo de muller na sociedade actual, tratando temas como a saúde laboral, a prevención de riscos laborais en clave de xénero e as medidas de diversidade, conciliación, equidade e igualdade que necesitan as nosas organizacións.
Elaboración de protocolos de resolución de conflitos e prevención do acoso no traballo
Este webinar, realizado en colaboración con McMutual, ten por obxectivo ofrecer recomendacións prácticas para a elaboración de protocolos de resolución de conflictos para a prevención do acoso e a violencia laboral dende un enfoque preventivo.
Prevención e pandemia: a resposta da unidade de referencia COVID-19 do Issga e dos servizos de prevención alleos
Neste webinar indicaranse as principais mensaxes e criterios para a adopción das medidas preventivas fronte á esta pandemia nos centros de traballo, se detallarán as actuacións feitas pola Unidade COVID-19 nas labores de asesoramento e apoio técnico especializado e de información e formación, se exporán os riscos derivados das novas condicións de traballo asociadas á crise sanitaria e se explicarán o papel dos servizos de prevención no contexto derivado da COVID-19.
Impacto emocional COVID-19
Neste webinar, realizado en colaboración con Fraternidad-Muprespa, veremos as emocións e estados de ánimo que nos provocou a COVID 19, a través de exemplos de persoas reais e daremos claves e ferramentas para soportar mellor esta situación.
A prevención de riscos laborais na PEME: unha actitude preventiva salva vidas
Nesta acción de información e sensibilización indicaranse as pautas para mellorar a compresión e a toma de conciencia sobre a importancia da seguridade e a saúde no traballo e os seus aspectos clave, así como as competencias para un desenvolvemento eficaz neste ámbito.
Empresa saudable. Prevención das enfermidades cardiovasculares e o ictus
O custo persoal, social e laboral das enfermidades e accidentes cardio e cerebrovasculares supón máis do 10% do gasto sanitario público de España e é a primeira causa de discapacidade no adulto. Este webinar, realizado en colaboración con Ibermutua, ten como obxectivo “informar para previr” e sensibilizar no ámbito da saúde laboral ao tecido empresarial galego.
Coñece o máis destacado da norma de seguridade e saúde ISO 45005
UNE-ISO/PAS 45005 é unha guía que pretende facilitar orientacións para xestionar nas empresas os efectos da pandemia por COVID-19. No webinar. realizado en colaboración con FREMAP, analizarase a estrutura da nova ISO/ PAS publicada, así como os puntos máis relevantes da mesma.,
Uso de novas tecnoloxías en PRL: drons
Segundo dos eventos organizados polo ISSGA con motivo do día mundial da seguridade e saúde no traballo, 28 de abril, no que presentamos dúas publicacións sobre os drons e a súa relación coa prevención de riscos laborais.
A cultura preventiva, motor de resiliencia
Con motivo do Día Mundial da Seguridade e Saúde no Traballo 2021, o ISSGA organiza esta webinar como un espazo de intercambio para recoñecer a importancia da cultura preventiva na construción da resiliencia colectiva e o valor do labor das e dos profesionais da seguridade e saúde no traballo na crise sanitaria actual.