Hábitos saudables e enerxía emocional positiva no traballo

Xornada técnica en formato webinar, realizada en colaboración con Asepeyo, que ten como obxectivo mostrar o impacto da comunicación e o funcionamento da enerxía emocional na prevención de accidentes laborais e os recursos persoais necesarios para unha correcta xestión.

Nesta actividade formativa presentaranse unha serie de ferramentas útiles para lograr un benestar laboral e persoal que axude no día a día.

Mostrarase a importancia de saber abordar, desde unha perspectiva positiva, as incidencias que poden xurdir na nosa actividade laboral diaria, como xestionar as emocións no centro de traballo e como estas poden contribuír positivamente no desenvolvemento competitivo do noso sector empresarial.