Benestar psicoemocional

A finalidade deste webinar, realizado en colaboración con Fremap, é dar a coñecer con exactitude o concepto de estrés, así como o seu mecanismo de desenvolvemento e as diferentes consecuencias que este pode ter na vida das persoas.

Partindo da interrelación entre pensamento, emoción e conduta, exponse as distintas estratexias dirixidas a mitigar as tensións internas e mellorar as relacións cos demais.

O obxectivo final é dotar aos asistentes de ferramentas prácticas que lles permitan manexar adecuadamente as distintas situacións xestionando eficientemente as súas emocións e as das persoas con que se relacionan.