Webinar realizado en colaboración con Fraternidade Muprespa que forma parte das actividades organizadas polo ISSGA con motivo da Semana Europea para a seguridade e a saúde no traballo.

Ten como obxectivo analizar os retos derivados da implantación das novas tecnoloxías e as ferramentas para poder controlar os seus efectos. Os principais temas a tratar neste webinar serán:

• Descrición dos novos riscos emerxentes derivados da sociedade da información e a comunicación
• Análise dos efectos que os novos modelos de traballo e comunicación poden ter sobre a saúde das persoas
• Formulación de posibles solucións fronte ás esixencias e consecuencias derivadas do uso intensivo das novas tecnoloxías

Preténdese dar a coñecer os riscos aos que estamos sometidos polo uso intensivo das novas tecnoloxías, as consecuencias da exposición aos devanditos riscos e ferramentas para minimizar os efectos da hiperconexión dixital e estratexias de afrontamento.

Inscrición

Para asistir a este evento debes rexistrarte usando o formulario que aparece debaixo. Unha vez introducidos os teus datos recibirás un e-mail coa confirmación.

Uns días antes da celebración do evento recibirás un novo e-mail coa ligazón desde a cal poderás seguir o evento por video-streaming.

Importante: Revisa na túa conta de correo non desexado  ou spam por se non recibes o correo de confirmación ou a ligazón á videoconferencia.
Ante calquera dúbida podes contactar con nós no e-mail: rexistros@issgaeventos.com