O obxectivo final deste webinar, realizado en colaboración con Asepeyo, é mostrar desde unha perspectiva dinámica, visual e atractiva as consecuencias da exposición ao ruído a través do emprego de novas tecnoloxías.

Mostrarase como se xera e propaga o ruído, como afecta o ser humano, como protexernos del,… para mellorar as condicións de traballo das persoas expostas a este risco físico.

Xornada técnica que ten como obxectivo analizar as novidades derivadas da actualización da guía técnica para a avaliación e prevención dos riscos relacionados coa exposición a axentes canceríxenos ou mutáxenos no traballo así como os futuros cambios lexislativos. Farase un especial fincapé na identificación de postos de traballo con esta exposición e presentaranse algúns exemplos de boas prácticas.

Na segunda parte da xornada presentarase unha nova campaña do ISSGA sobre a prevención derivada da exposición a sílice cristalina respirable (SCR) en talleres e obras e expoñeranse os principais aspectos da guía técnica para a prevención do risco por exposición a SCR no ámbito laboral.